Ko ngā karapu kua kotahi ki te hoe ki ngā whakataetae waka ama a Ao ki Tahiti

Rahia Timutimu

I kitea whānuitia ngā kara o ngā karapu i te rangi nei, ko te take, koinei te tīmatanga o ngā rēhi ā-karapu ki tēnei whakataetae ā-ao

Tīmata ai ngā rēhi waka hourua, waka takitahi hoki . Ko te rēhi waka hourua mō ngā wāhine Masters te rēhi tuatahi o te rā.

I tēnei rēhi ngā kapa e rua nō Aotearoa, kotahi te kapa māori hoki nō Ahitereiria, e whitu katoa ngā kapa i tēnei rēhi. Te otinga iho, i tae tuarua mai ai  te kapa Māori nō Ahitreiria, ki muri tata i a Tahiti.

Ki ngā rēhi takitahi, ko ngā toa takitahi era i kotahi atu ki te wai, ko Gaibreill Wainohu te mea i tae papatu mai ai mō tēnei wāhanga i ngā whakataetae ā-motu

Maramara keke noa mā te kaihoe nō Horouta Waka Hoe, i tae tuatahi mai ai ia.

Ā, me pēhea kē hoki e kore ai tēnei rēhi e uaua mō te kaihoe nei o .Turanganui a Kiwa, nā rā, ko tētahi o ōna hoariri, he toa nō Tahiti.

Ko tōna tūngane, ko Keanu Wainohu-Kemp i rēhi whai muri i tona tuahine

Hei apōpō, tū ai ngā rēhi roa o te whakataetae.