Ko ngā tepe whakamutunga hei karo i ngā mahi taitōkai

Neke atu i te whā rau kiromita te tawhiti o te ara i takahia e te tira o Massive, atu i Tāmaki ki Te Reinga hei whakahē i ngā mahi taitōkai.  Nō te rā nei ka tae atu te tira ki tā rātou tauranga.

Hei tā Labour MP Kelvin Davis, “Mā ngā tāne katoa e kawe i tēnei kaupapa ki roto i o rātou whānau, o rātou hapori kei roto i ngā marae i ngā hapū kia whakakahoretia tēnei kaupapa kino i roto i ngā whānau.”

He kaupapa pai ki te iwi kāinga o Ngāti Kuri i te mea kua kōrero i ngā kōrero kahore i korerotia i ngā wā o mua.

Hei tā Pineaha Murray, “Nā tēnei kaupapa ka whakapuarehia ka kōrero ngā tāngata, e aroha ana mātou ki o mātou wāhine i tūkinohia ai i mua.  Nā tēnei kua pai kua māmā.”

Hei tā Davis, “E harikoa ana kua oti te hīkoi engari horekau anō kia oti te kaupapa.  Mehemea e oti ki konei he moumou taima.  Me tū tātou katoa ngā tāne hei tauira mō a tātou rangatahi e tū mai nei.”