Ko tā Maihi whakahau kia tangohia ake te taitara o Sir Bob Jones

He neke atu i te ono tekau mano ngā tāngata kua waitohu petihana e āki ana kia tangohia ake te tohu Tā i a Sir Bob Jones. 

Nō te ringatohu kiriata Māori, nō Renae Maihi te whakaaro kia waihanga i te petihana, nā ngā kupu hahani i taka mai i te waha o Tā Bob Jones i tērā marama.

Nāna te kōrero i tuhi ki te niupepa  National Business Review e mea ana me panoni te ingoa o te rā o Waitangi ki te rā e kiia nei ko Māori Gratitude Day.

Heoi, hei tā Maihi ki te hōtaka o Kawe Kōrero, kāore i te tika kia mau tonu i a ia tētahi tohu nui taioreore pēnei.