Ko Te Kapa Kirikiti Kura Tuarua Māori.

Tema Hemi

Mō te wa tuatahi i tākaro Te Kapa Kirikiti Kura Tuarua Māori o Aotearoa ki tētahi kapa o te kāwana tianara, i roto i ngā hau pūkeri o Pōneke. Ko te manako a NZ Cricket kia tipu haere te hiahia ki roto o ngāi Māori ki tēnei hākinakina. 

He rā nunui mō ēnei tama Māori, kaore he hōnore nui tu atu i te hōnore nui o Te Kāwana Tianara o Aotearoa.  Ko te hiahia a NZ Cricket kia tipu tēnei hākinakina ki waenganui i a ngāi Māori i kite hoki i te kaha o ngā kaitākaro Māori i roto i ngā tau.

Ko tā tēnei o ngā kaitākaro he tauira hoki o te kura tuarua rongonui o Lindisfarne a Bailey McDonald, "He wa whakahirahira tēnei i te mea ko tēnei te kapa tuatahi te tākaro i tēnei o ngā tukinga, he pai hoki kia whai wāhi mai ahau ki tēnei kapa."

Ko tā te tumu whakarae o Schoo Sport Nz a Garry Carnachan, "Kaore he tino aronga to te ao kirikiti ki ngāi Māori a i whakārohia kia timata i te reanga kura tuarua. I tono atu mātou ki te poari o NZ Cricket ā i kōrero mātou ki a Martin Sneeden i te tuatahi. He pai te mahi tahi mē tētahi rōpu e kaha ki te whakatinana i ngā whakāro."

Source - NZ Cricket Website.

Nō ngā rā e rua ki muri i whakatōpūhia ai te kapa, nā, e tauhōu ana te nuinga ki to rātou ao Māori, tikanga Māori hoki. Kua whakaaweawe kētia te ao kirikiti e ngā kaitākaro Māori pēnei i a Adam Parore, Daryl Tuffey, Jesse Ryder me te kaiwhiu tere o te kapa pōtae pango a Trent Boult. Ko te aronga mō NZ Cricket inaianei kia waihanga mai he kapa kōtiro no ngā rēanga kura tuarua a tērā raumati." 

Ko tā te kaikōtuitui kaiwhakaurunga hoki o NZ Cricket a Andrew Tara, "He hōnore tino nui tēnei. E mārama ana mātou kīhai i tino hono ki ngāi Māori i rot i ngā tau. He āhuatanga e taea ai mātou te whakatairanga tēnei hākinakina ki ngā iwi Māori waihoki ma ngā iwi Māori te whai wāhi ki te tākaro. He take nui tēnei ma rātou kia whēako mai i tētahi powhiri, noho ki runga marae, he āhuatanga mīharo mō rātou katoa."

Ko tā te kaiako o te kapa a Mark Borthwick, "He painga tēnei mō NZ Cricket ki te whakatenatena i a ngāi Māori ki te tākaro tēnei hākinakina  E hīkaka ana ahau i te mea e hanga huarahi ana ma tēnei kapa. Ko Ollie White tētahi kaitākaro mō ngā tau kei te eke mai he pouarahi pai hoki ia, ko Ruben Love tētahi o ngā tino kaitākaro hoki o tēnei kapa, ko Ryan Jackson he tauira i te kura o Hato Patariki ki Te Awakairangi he kaiwhiu tino tere ia."