Ko te Māori kei runga mo te mate manawa

Ko te Māori e ārahi ana i ngā tatauranga mo te whakaheke manawa ki ngā kitenga hōu mai te tari Hato Hone o Aotearoa. Ia tau kotahi mano, ono rau te hunga ka mate na runga i te whakaheke manawa. Kua huri ngā whakaaro o Kiri Cameron, nēhi ō mua i muri i tōna mate manawa i te wā i a ia e mahi ana. “I haere au ki roto i te tari i reira tētahi o aku hoa mahi, ka mea au ki a ia kāre au i te tau mea rawa ake ka hinga”. E ai ki ngā tirohanga hōu a St Johns he whiwhinga nui te kotahi miniti mena ka kati te manawa. Hei ta Stephen Dennett, māngai Māori o St Johns, he mea nui te mihingi manawa, ā, kua tukuna e rātou ētahi o ēnei mihini ki ngā hapori, Marae hoki. “He mea nui te kaupapa mihini ki ngā Marae, kua rima tekau mā ono ngā mihini kua whakaputa ki ngā hapori huri noa i a Aotearoa”. I te tau rua mano tekau mā toru kua raru te manawa o Kiri hei tāna mei kore ake te mīhini manawa koia pea tērā ka huri kē ki tua. “He mea nui tērā n ate mea i te wā i kite ake rātou kua tū taku manawa i reira te mihini i mua i te taenga mai o te waka āpiha”. Hei ta te tari o St Johns mai i te wā tuku o ngā mihini ki ngā Marae, hapori hoki, neke atu i te ono rau ngā mema whānau kua āko ki ngā mahi whakahaere i te mihini.