Ko Te Pakanga o Te Ranga te otinga o ngā whakamaumaharatanga mo ngā pakanga whenua Māori

Nōnanahi nei, ka tū te rā whakamaumahara whakamutunga, mō ngā pakanga whenua Māori i tū ki te rohe o Waikato me Tauranga Moana, koia tonu ko te rā whakamaumahara i te Pakanga o Te Ranga. Ahakoa he kotahi rau rima tekau tau kua hemo ake.

E tā ngā kōrero hitoria, e 600 ngā hoia pākeha, i raro i te arahinga o Rūtene Tianara Greer, i urutomo atu ki te Pā o Te Ranga, i te Māori e keri ana i āna rua pakanga.

He mahi whai utu, whai muri i te whakamā i ūhia ki runga i te pākeha ki te Pakanga o Pukehinahina.

He koni ake i te kotahi rau ngā mate Māori i utaina ki runga o Te Ranga, he 13 ngā mate ki te hoariri.

Nā, pohiritia ake ana te tini ngerongero ki runga o te Ranga, ki te whakamahara i ngā mate, i te raupatu, me te kite hoki he pēhea nei te tawhiti o te hāere o ngā iwi o Tauranga Moana, mai anō i te wā o te Pakanga o Te Ranga.