Ko te pūngao kōmaru te āpōpō mō ngā kura

Tema Hemi

Kei te kitea inainei i ngā pūngao kōmaru ki roto i ngā kura o te motu. Ko te kura tuatahi o Maungaraki ki Pōneke tētahi kura e whiwhi ana ki ngā hua, i penapena ai i te rima mano tāra i te tau kua hori.

Ki te hono ngā hīhī o te rā me ngā haora ki te kura ka whai hua i te pūngao kōmaru. Ka āhei ngā kura te penapena pūtea i ngā pire hiko ā ka whai wāhi atu taua pūtea ki ētahi atu wāhi o te kura. Ko tā te māngai Pūngao Rauemi o te pāti Kākāriki a Gareth Hughes ko te pūngao kōmaru te āpōpō mō ngā kura katoa o Aotearoa. E whakakaha ana ngā Kākāriki i te kāwanatanga ki te houtu tēnei kaupapa.

Ko tā Hughes, "I puta te kaupapa here a te kāwanatanga e kīa nei ko ngā penapena pūtea i ngā pire hiko mai i ngā kura whakaputa i o rātou ake hiko mai i ngā hīhī o te rā kei a rātou tonu te tikanga o taua pūtea. I āhei ngā kura ki te tango tēnei pūtea penapena me te tuku ki ngā tamariki me ngā rauemi. E whai ana ngā kura i o rātou ake huarahi. He kaupapa pēnei to Genesis e kīa nei ko te 'Solar Gen Scheme'. He wāhanga tēnei o te pāti Kākāriki me ta rātou whakaaetanga me te kāwanatanga koira e kaha ana ki te whakatinana inaia tonu nei."

Ko tā Hughes, "I puta te kaupapa here a te kāwanatanga e kīa nei ko ngā penapena pūtea i ngā pire hiko mai i ngā kura whakaputa i o rātou ake hiko mai i ngā hīhī o te rā kei a rātou tonu te tikanga o taua pūtea. I āhei ngā kura ki te tango tēnei pūtea penapena me te tuku ki ngā tamariki me ngā rauemi. E whai ana ngā kura i o rātou ake huarahi. He kaupapa pēnei to Genesis e kīa nei ko te 'Solar Gen Scheme'. He wāhanga tēnei o te pāti Kākāriki me ta rātou whakaaetanga me te kāwanatanga koira e kaha ana ki te whakatinana inaia tonu nei."

Ko tā te tumuaki takirua tuarua a Darian Schulz, "Ko te tuatahi he pai ki te whakaiti iho i ngā utu mō te whakahiko i te kura ā he rite tonu ki te whakahaere e rua ngā kāinga nōreira he pai tērā mō te kura."

Ko tā Caro Wills, "Kei a mātou he hōtaka i a te rua wiki ka haere ngā tamariki ki te whakamahi i o rātou hinonga taiao nei engari he maha ngā akoranga mō te mahi toitūtanga. E piki ana ta rātou mōhiotanga ki tēnei kaupapa."

Ka tono te pāti Kākāriki ki te komihana āhuarangi kia tahuri atu ki te pūngao kōmaru hei te tau rua mano toru tekau ma rima.