Ko te rongo pai a ngā tauira EXCEL i rere ki ngā rangatahi o Rotorua

Ko ngā tauira o te kura whakaari o EXCEL ki Tāmaki, i tau atu ki Rotorua i tēnei wiki ki te whakaatu atu i o rātou pūkenga ki te hapori me ngā mātātahi o te rohe.

Nā te kaha o te wairua Māori o roto i tēnei rōpū, he tino hiahia nō rātou kia toro atu ki te pito o te ao mō te mahi tāpoi Māori.

Ko te pūoro, te kanikani me ngā kare ā roto kei muri i ngā whakaaturanga a ēnei tauira o te kura whakaari o EXCEL.

Hei tā Jono Howan, "I runga i ta mātou haerenga ko te tuapapa o ngā mahi e hāngai ana ki ngā kare ā roto, me te hononga o ngā kare ā roto ki te hinengaro he māmā kia whakawai tātau ki ngā whakaaro kino."

Ko te whakaputa whakaaro te tuapapa kei muri i ngā whakaaturanga a tēnei tira tauira e takahi nei i te mata o te whenua.

Ko tā Annika Bowley kōrero, "Me whai wāhi te hunga rangatahi ki tēnei karere, kia mōhio ai rātou kia kāua e riro o rātou whakaaro ki te waahi ngaro."

Rua tekau ngā tauira kei roto i tēnei rōpū, kei waenga i ngā tau tekau mā waru ki te rua tekau mā rua.

Atu i Rotorua ka haere te tira nei ki Te Matau a Māui.