Ko Te Wharekura o Rākaumangamanga ngā toa o Tainui

Tema Hemi

Kua toa i Te Wharekura o Rākaumangamanga te whakataetae kapahaka kura tuatahi o te rohe o Tainui. I tū ki te hui ki Te Papanui inanahi. 

E tekau mā whitu ngā kura i tū ki te papa whakatū waewae kia kapo ake he turanga kia whai wāhi atu rātou ki te whakataetae ā motu o Te Manakuratahi ka tū ki roto o Tainui hoki, hei te tau e tū mai nei. E ono ngā kapa i angitu ai i te taha o Te Wharekura o Rākaumangamanga, ko Te Kura Kaupapa Māori o Te Ara Rima i tuarua mai, Te Kaokaoroa o Patetere Kura Waenga i tuatoru mai, ka mutu ko Te Wharekura o Te Rau Aroha, Te Kura Kaupapa Māori o Bernard Fergusson me Te Puawaitanga ki te Maraeroa Kapahaka ngā kapa katoa i eke. 
 

Source: Radio Tainui Livestream.

Tēnā mātakitaki i ngā kapa katoa mā te whārangi Pukamata o Radio Tainui.

Source: Radio Tainui Livestream.

I te whakataetae Manakuratahi i tū ki Turanga nui ā Kiwa i tērā tau, e rima tekau mā waru ngā kapa i tū. Kaore he whakataetae kapahaka ā motu e tū atu ana ā e pēnei ana te rahi o ngā kapa, mai i ngā taumata kapahaka katoa. He tino whakataetae Te Manakuratahi ā e eke ana te kōunga o ngā mahi i a rua tau ā kei whea mai hoki ko ngā mahi a te hunga ririki me te pakeke o ā rātou tū ki te papa whakatū waewae. E whai wāhi ana ngā kura katoa o te motu i a te rua tau ki te eke ki tēnei taumata hēoi ko te tino aronga mā ngā kapa katoa ko te whakakanohi i tā rātou kura, tā rātou rohe, me o rātou whānau kaitautoko hoki ki tēnei taumata whakataetae. Kaore anō kia puta te whakatau āhea ka tū te Manakurtahi hei te tau e tū mai nei ki roto i te rohe o Tainui.   

Source: Radio Tainui Livestream.