E ai ki tētahi mema tōrangapū Māori, he mariko noa ngā tūru Māori i te Whare Pāremata. Kua ara mai anō a Ron Mark ki te whare rā mō Aotearoa Tuatahi, ā, kua ara ake anō te take ki te hohonutanga o ngā tūrū Māori.
E rua tekau mā ono katoa ngā mema tōrangapū Māori kei roto i te whare. Tekau mā iwa o rātou ka heke mai i te rārangi kaitono, ngā rohe pōti motuhake rānei.
Engari ki tā Peeni Henare te māngai mō te tūru o Tāmaki Makaurau, ahakoa he toto Māori tā ētahi, kāore anō rātou e tino aro atu ki ngā kaupapa Māori, pērā ki a ia.
Hei tā Peeni Henare, “Ahakoa kua kōrero mai ngā tāngata kua kī pai te whare i te Māori, kua whakaaro ake ahau kī tā Willie Jackson mea ana, anā, he Māori ā-whakapapa engari ka pēhea te whakaaro a te tangata.”
Heoi ka noho tonu ngā tūrū Maori mō te wā nei, engari tāria te wā ka kite mēnā ka whakakorengia i aua tūru i te whare nei.
