E huro katoa ana Te Rūnanga o Ngāti Tahu - Ngāti Whaoa i te toahanga o tana tohe ā-ture ki a Te Arawa Group Holdings e pā ana ki te mana whenua o Waiotapu, kei waho atu i Rotorua.
He whakaeatanga tēnei o te tautohetohe nui i pupū ake i te whakahokinga atu o te whenua ki a Tahu - Whaoa, i tana whakataunga tiriti ki te Karauna, nāwai nāwai ka hū ake te tono kia nui ake ai te utu rēti.
Kua tau te puehu mō te taupatupatu e pā ana ki te utu o te rēti ki Waiotapu.
E ai ki te heamana o te rūnanga o Ngāti Tahu - Ngāti Whaoa, ki a Roger Pikia,"Many generations have passed on without the priviledge of seeing that estate returned to the iwi."
He mea whakahaere tēnei papa tāpoi e Te Arawa Group Holdings, engari ko Ngāti Tahu - Ngāti Whaoa kē te mana whenua. He tautohe i riro mā te kōti e whakatau.
"It's inevitable that those tensions arise from time to time. The test of leadership is whether or not you can overcome those types of situations and then get your people back on to an even keel."
Ko tā Pikia, kua toru tau te take e tohea ana, ā, kei ngā rau mano te nui o te utu.
"What comes with the devolution of that estate to our iwi is the responsibility and the obligations that go along with the administering and caring for that to ensure that it's handed on to our next generation."
Ko tā Te Arawa Group Holdings ki a Te Kāea, kua tau tā te kōti, ā, kua utua ngā nama. Ā, i mōhio kē rātou ka piki te utu rēti ki Waiotapu. Heoi, ko tā rātou, he makihuhunu kē te utu rēti hou, ka mutu, he kakari kia taka iho ai ngā hua ki ōna kaipānga rua tekau mano tōna haepapa nui.
Ko Tahu - Whaoa tētahi o ngā kaipānga.
"We do wish our tenant all the best because we need for them to be successful as a commercial investment company because we expect to generate healthy dividends from that company."
Ko tā Te Arawa Group Holdings, kua ea kē te wāhanga ki te kōti, ā, kua tatū kē te take.