Kua hoki anō te Pāti Māori ki te kaupapa WoF mō ngā whare rēti

Kua hoki anō te Pāti Māori ki te kaupapa Warrant of Fitness (WoF) mō ngā whare rēti, kia ngāwari haere ngā āhuatanga o te rawakore ki ngā hapori o te motu.

Kei te wero te rōpū Child Poverty Action ki te kāwanatanga kia whakamahia ai te kaupapa WoF ki ngā whare rēti , a e tautoko ana te Pāti Māori i a rātou.

Inā te kaha o te makariri ki tēnei whare kaporeihana, i tapirihia e Ngapera Ranfurly he ārai ki ngā pātu, hei puru i te mahana.

E rua marama ki muri i tutaki mātou ki a Ngāpera i te putanga o ngā panonitanga ki te ture Residential Tenancies hei whakamahana i ngā whare.

I taua wā i kaha kē te makariri o tōna whare, a moe ai te whānau ki te ruma kotahi.

Ā, e tino tautoko ana a Marama Fox o te Pāti Māori i te kaupapa Warrant of Fitness mō ngā whare rēti.

Hei ko tāna ahakoa te nui te utu o tēnei kaupapa, he nui ngā hua ka puta.

E tūmanako ana a Ngāpera, ka āta tirotiro te kāwanatanga i tēnei kaupapa, kia huri ai tēnei whare hei kainga mahana mō tōna whānau.