Kua hokona atu ōna toi Goldie e Kahurangi Kiri Te Kawana

Tema Hemi

E hiamo ana te wairua o te ao mahi toi nā runga i te angitu, kia kite mai ai i ēnei tāonga hei tirohanga mā te marea.

Ko te wawata nui, ka riro ki ētahi hunga e tino ngākau nui ana ki ēnei tāonga. 

He tokomaha o te hunga kohikohi mahi toi nei,  ka karapinepine mai nō wīwī nō wāwā ki te tuku mai ā rātou tono mo ēnei tāonga.

Hēoi i te mea atu i te kotahi ira rua miriona tāra te wāriu me hohonu te pūkoro o te tangata. 

Kore kāhore kei te kōtihi o ngā whakāro kia mau nawenawe ai, kia haumaru hoki te noho o ēnei tāonga. 

 He tuatahitanga tēnei ki roto o Aotearoa kia toru ngā mahi a toi nā Goldie ka hokona atu i te waahi kotahi. He honoretanga tēnei te kite atu ai e te marea, anō rā he ahuatanga pea e kore e kitea anō.