Kua hui ētahi o ngā mema o Tūhoronuku me te Karauna

Kua hui ētahi o ngā mema o Tūhoronuku, te rōpū kua whakamanatia hei kaiwhakatutuki i tētahi Whakataunga Tiriti me te Karauna mō Ngāpuhi, me te Karauna.

Hei tā tētahi o ngā heamana o Tūhoronuku, nō naini rā ka whakatungia hei heamana mō tēnei wā, i whai wāhi atu rātou ki te whakapakari ake i te hononga i waenganui i te iwi me te Karauna, nā runga anō i ngā matāpono o Te Whakaputanga me te Tiriti o Waitangi.

He aro ki nga akoranga o nehe, te anga whakamua a Tūhoronuku hei whakatau i ngā kereme Tiriti a Ngāpuhi me te Karauna.

Nō ngā wiki tata nei, ka kapi anō tētahi rauna tuku tono, e whakarahi ake ai te tokomaha o ngā kaikōrero mō ngā hapū, koia e tū ana hei tuapapa e whāngai ana i te poari o Tūhoronuku, e rua tekau mō rua ōna māngai.

Tokotoru ngā kaiwhiriwhiri a te iwi, a, ka noho te tokotoru hei māngai mō te iwi i te iwi e wānanga ana me te Karauna.

He kotahi marama ki muri, ka heke iho a Raniera Sonny Tau hei heamana, ka whakakīa tērā wharua e Napia rāua ko Roia, Moana Tuwhare, i a Tau e tatari ana ki tētahi nohonga ki mua i te aroaro o te kōti mō te mau kekeru.

Hei tā Napia e pakari haere ana te kotahitanga o Ngāpuhi, a, i whai waahi atu a Tūhoronuku ki te whakamārama atu ki te Minita ngā kokenga whakamua o Tūhoronuku. 

Kua kitea kētia e te Minita Take Tiriti, he take nui te whakatau i ngā kereme tiriti o Ngāpuhi e piki ake ai te oranga o ngā hapori me ngā hapū o Ngāpuhi.

I a Tau e tatari ana kia rongo ake i tana nohonga kōti, ka tū hei te 18 o ngā rā o Akuhata,  ka wātea mai te Poari o Tūhoronuku ki te whakatu i tētahi hemana hou a te 14 o ngā rā Akuhata.