Kua kitea tētahi tūpāpaku e ngā tira rapu i te wao o Waitārere

updated

He tūpāpaku kua kitea i te wao o Waitārere, ā tērā te whakapono a ngā pirihimana, ko ia ko Alex Fisher, tekau ōna tau, kua whā ngā rā e tamō ana.

Ki tōna kainga i te Rāhina te kitenga whakamutunga rawa ōna i Waitārere tonu, he kāinga noho tai ki Taitoko.  

E ai ki te Kaitirotiro ki a Sarah Stewart, nā tetahi waka topatopa te tupāpaku i kite i te kotahi karaka i te ahiahi, ā, i kitea anō e tētahi o runga i te papa.

E ai ki tetahi māngai o te iwi kainga nei o Muaupoko, kua whakakotahi te hapori nei i raro i te kapua pouri. Hei tā ngā pirihimana, hihira kē te ahua o tōna mate, ā ka timata tetahi whakatewhatewhanga mahi kohuru.

Heoi kua karanga ake ngā Pirihimana ki te hāpori whānui me i kite koutou i a Alex me tōna tuakana me Eric, tēnā waea atu ki a rātou.