Kua mahuetia te rā tuku tono mō te toa waipiro hōu e ngā kainoho o Murupara

Kia te hia mōhio tētahi mema o te poari hapori o Murupara, he aha i kore ai te poari e mōhio mō te tono kia whakatūria tētahi toa hoko waipiro ki to rātou taone.  Kua hipa te wā, tekau mā rima rā te roa, hei tuku mā te hapori ōna whakaaro ki te Kaunihera o Whakatāne.

E hiahia ana ngā kaihoko te whakatū i to rātou toa waipiro.  Kei waenga nui pū toa pakihi, kāre e tawhiti atu hoki i tētahi atu toa waipiro me te teihana pirihimana. 

Hei tā Celine Rahera, "Kāre e tino pai te āhua, ka tāea au te kite inaianei te ahua, kāre i te tino rata te ahuatanga haurangi, tino hauranga, ka whawhai, ngā rā whakatā kua pahure katahi anō tētahi whare ka tukua."

Ko tā te kaunihera ā rohe o Whakatāne he mea whakaatu te tono ki roto i te nū pepa o te Whakatāne beacon, ā, he pānui i iri ki te matapihi o te toa heoi kei te mōhio rātou he maha tonu te hunga i mahue kē te tuku whakaaro ā tuhi na kona kei te whakarite rātou kia whai wāhi tērā hunga ki te whakaputa kōrero ā-waha, engari kāre anō kia whakatauhia āhea.