Kua mauheretia tētahi tokorua mō te pupuhitanga i te pāka o Clover

Tokorua ngā tāne kua mauheretia mō te pupuhitanga pū i te pāka o Clover i te Tonga o Tāmaki Makaurau i tērā marama. Kotahi te wahine i whara.

E whai ana ēnei mauherenga i ngā mātaitanga e toru i tū i tēnei ata. Ko ngā hāmene taotū ka ūhia ake ki runga ki a rāua, heoi he hāmenetanga atu anō pea ka tāpaetia.

E whā kē ngā pupuhitanga pū i te tonga o Tāmaki Makaurau i tēnei tau, ka mutu, e kī taurangi ana te ope pirihimana kāore he tangata kē atu e whāia ana e rātau.