Kua piki ake te wairua hikaka i Hāmoa

Kua whiriwhiri ngā kapa Ōpango me Manu Samoa i ō rātou kapa ka whakaeke atu ki te tukinga tuatahi ki Apia hei te Raapa nei.

Kua huaina ko te kāpene Ōpango Māori ko Charlie Ngatai ki te pae hihiri.

Kua piki ake te wairua hikaka i Hāmoa nei.

I mea mai tētahi e rua ngā mea e ngākaunuitia ana e Hāmoa, ko te whakapono me te whutuporo, nā reira e kaika ana te iwi o konei ki te taenga mai o te kapa Ōpango.

Ahakoa te rohe, ahakoa ko hea koe titiro ai, e hīkaka ana a Hāmoa.

Mārakerake ana te kitea, e tautoko ana rātou i te kapa kikorangi, i a Manu Samoa.

Heoi i reira hoki te tautoko mō te kapa Ōpango.

I te moutere e whakarite ana, tērā te whakarite mai a ngā kaitākaro. E rua noa ngā rangi e toe ana ki te tukinga a te kapa Manu ki te kapa Ōpango i tō ratou whenua ūkaipo, i te aroaro i tō rātou iwi.

Hāunga rā te mana o te poraka Manu, ka pīkau hoki ēnei kaitākaro i ngā wawata o te iwi kia turakina te kapa Ōpango mō te wā tuatahi.

Heoi, e ai ki te āhua o wairua o kōnei, kua toa kē a Hāmoa.

Ka pōhiritia te kapa Ōpango hei te pō nei. Hei āpōpō arā ngā mahi nui mā te kapa, arā te haere i te rori matua, te whakaako whutupōro ki nga tamariki me te whakaharatau a te kapene ki te taiwhanga o Apia.