Kua pōhiritia e Waitangi ngā Waka no te Moana nui A Kiwa - Pūrongo Motuhake

Mei kore ko te taenga tuatahi mai o te waka hourua o Hokulea ki Aotearoa, kua kore pea te ao Māori e whakaora mai i ngā taonga tuku iho mai i ngā tupuna mo te whakatere waka i te moananui.

Koinei hoki te ia o ngā kōrero i puta inanahi ra i te pohiritanga ake o tēnei waka rongonui me ngā tāngata o runga ki Waitangi i tona hokianga nui mai ki tēnei motu.

Hei tā Joe Conrad, “Tata tangi pai te tangata ne te kite atu I te waka e hou mai ana n aka hāere atu a Ngatoki ki te tiki atu I a ia me ona hoia I runga I a ia ae ka hoki nga aroha ka hoki nga mahara ki o tatou kaumatua mai I toku papa mai ia Sir James me taku teina ano a Stanley ā ka pai ano te kite atu ia Nainoa ma kua tae mai ano ki konei I runga I tēnei waka tino rangatira.”

Hei tā Shane Jones, “Kei wareware tatou me I kore ngā Hawaiians nei me to rātou waka kua kore pea tatou o te ao Māori e whakaora mai I ngā taonga tuku iho mai I o tatou wheinga mo te whakatere waka.”

Kei runga i te marae o Te Tii ki Waitangi ko ngā tohu no te taenga tuatahi mai o te waka o Hokulea ki konei. 

A, na te miharo hoki o ngā matua o taua wa i noho ai rātou ki te wananga a kā tohu enei whanaunga o te moananui-a-Kiwa ko te iwi tuaono o Te Taitokerau ara ko Ngāti Ruawahia.

Koinei te hokianga nui mai a Ngāti Ruawahia ki Aotearoa me ngā tini uri hei tutaki ano i te kaupapa hei whakahonohono ano ia tatou.

Ka ū mai hoki ko te waka teina o Hokulea a Hikianalia.

Mai ra ano ko te moananui he marae no ngā tupuna aa taka mai ki tēnei rā kua puawai mai ano to ratou na kaupapa. 

I tēnei wa tonu kei nga topito o te ao ngā wakahourua e tere mai ana e arahina mai ra e ngā whetu o te rangi.

Hei tā Joe Conrad, “Kua ora ano tatou kua ora ano tatou o tatou tupuna ngā kōrero e pa ana ki to tatou nei rangatira a Kupe ena mea katoa ka mohio tatou iaianei e tika ana o tatou tupuna e tika ana o tatou nei hitori e tika ana a tatou nei kōrero me o tatou ahua katoa e pa ana ki tenei ao.”