Kua rihaina a Tahu Potiki i te Poari o Whakaata Māori

Kua whakawātea a Tahu Potiki i a ia anō i te poari o Whakaata Māori kia anga atu ai tāna titiro ki tōna whānau, kia whai wā hoki ia ki te noho tahi ki āna tamariki.

Kei tāna, "He pai ki a au taku noho i te Poari o Whakaata Māori, me te aha, he hōnore nui tēnei ki a au kia uru au ki tētahi kaupapa e hāpai ake nei i te orangatonutanga o te reo Māori, i ngā tikanga Māori ki Aotearoa."

Kua whakamihia āna mahi ringa tōhau nui ki Whakaata Māori e te heamana o te poari, e Georgina Te Heuheu rāua ko te heamana o Te Pūtahi Pāoho a Willie Jackson.

Hei tā Georgina Te Heuheu, waimarie ana mātau i te nui o te tautoko a Tahu ki ngā kaupapa e hāngai ana ki te whakarauoratanga o te reo me ngā tikanga Māori. "E mihi ana ki a ia mō tōna kaha ki te āta whakaaro ki ngā kaupapa i tau ki mua i te aroaro o te poari.

E whakapono ana a Potiki ka anga whakamua a Whakaata Māori hei ngā rā kei tua.