Kua rite te kapa Mystics ki te tākaro i te kapa Magic whai muri i tā rātou turaki i a Southern Steel

Taroi Black

E noho tuarua ana te tira Skycity Mystics whai muri i tā rātou turaki i a Southern Steel, i ngā rangi whakata kua pahure ake nei.

E mau ana te kapa i ngā taumahatanga kia noho tonu ai rātou ki te kotihitihi.

I tutuki i te kāpene a Maria Tutaia te iwa tekau mā rua paeheneti i te tukinga ki ngā hoariri a Southern Steel, me tana ko Coffin tētahi o ngā toa o taua wikitōria.   

I tū tētahi parawhakawai mō Skycity Mystics i te whare hākinakina a te motu i te Millennium Institute i te taha o Sam Pervam, he mātanga whakapakari tinana mō te hunga kaumoana me ngā kaitākaro whutuporo hoki.

Ā, he wā pai hoki tēnei ki te whakarite i a rātou anō mō te tukinga whakaharahara ki te kapa Magic.

Kare he tukinga i tua atu i tēnei mō Catherine Latu, i a ia e tatari ana ki tana kēmu kotahi rau o te tauwhainga ANZ.