Kua rite tētahi kaihākinakina Crossfit kia haere ki ngā tauwhāinga ā ao ki LA

Rahia Timutimu

Tekau mā whitu tau te pakeke o Levi Ririnui, ā, ko ia tētahi o ngā kaihākina tekau mā rua kua whiria ki te kapa o Aotearoa hei māngai ki te whakataetae Crossfit Teen Gauntlet ki Los Angeles, i Amerika.

I tūtaki a Te Kāea ki te kai-whakataetae nei me te kite e ahu pēhea ana āna whakangungu.

Tekau mā rua ngā wā ka whakaharatau a Levi Ririnui ia wiki, mō ngā haora e rua ia rā

I aia e whakareri nei mo te whakataetae nunui rawa i tana oranga

Kua whai tono te uri Māori, he tekau mā whitu ōna tau ki te whakataetae Crossfit Teen Gauntlet ki LA, he whakataetae mā ngā toa o Ahitereiria, Ūropi, Āhia me Amerika.

Ko ia tētahi o ngā kaiwhakataetae tekau mā rua ka tū hei kanohi mō Aotearoa

Ki konei ki CrossFit Waikato ia e whakaharatau ai, e harikoa ana a Johnny Gillet i ana whakaharatautanga, nā, kua whakaae kia whakangungu ia ka hiahia ana ia.

E kuraina ana a Levi ki te kura tamatāne o Kirikiriroa. Hei tāna he uaua te mahi i ngā mahi ā kura, me te CrossFit. Kua tekau mā rua marama noaiho ia i te hākina nei

Ka rere atu ngā māngai o Aotearoa ki Amerika hei te marama e tū mai nei