Kua tāpūtia te rēhi hōtoke o AROCA e Tāwhirimātea

I whakatūria te rēhi hotoke o AROCA i Birkenhead i te ata nei i raro i te maru o te karapu waka ama o Aratika.  Heoi ahakoa te mahi nui hei whakarite i te rēhi kāhore e tāea e ngā kaiwhakahaere te whakarata i ngā tohu huarere.

Hei tā Te Ua Tumoana, “Ka kaha to hoe engari kahore koe ka nekeneke, he uaua te rēhi.”

Nā te kaha o Tāwhirimātea i whakarerekē te ara rēhi kia noho tonu ngā kaihoe rangatahi ki uta.  Heoi nā te huarere mōrearea i whakakorea ngā rēhi pakeke tekau mā rima kiromita te tawhiti.

Koinei te whakataetae tuawhā o ngā rēhi hotoke o AROCA mō ngā kaihoe hōu me ngā kaihoe rangatahi atu ki ngā kaumātua.  Nā ngā karapu waka ama o Tāmaki i whakahaere i whakataetae atu hoki kia whai māka mā o rātou karapu.

Ahakoa he iti noa ngā māka i whakawhiwhi i te rangi nei, he māka anō kei tua mā ēnei kaihoe hei ngā rēhi e haere mai ana.