Kua tīmata te mahi tango i ngā rākau mangamanga ki Manurewa

Manurewa Marae rep Tunuiarangi McLean on mangrove clear-out

Nō tērā atu wiki tīmata ai te hapori whānui o Manurewa me ngā Kaunihera ki te poro i ngā rākau mangamanga mai te repo o Puhinui.

I te rā nei haruru ana te rangi me te whenua i ngā mīhini a te kamupene pororakau o Treesafe, me te waka topatopa e kawe nei i ngā tāpaetanga rākau ki tōna otinga.

Hei tā Dave Graham o Treesafe, “Ko te whainga i te rā nei kia oti te whakawātea i te kotahi heketea o ngā rākau kua reri ke.”

Ko te mema poari o te Marae o Manurewa a Tunuiārangi McLean i tae ake ki te tirotiro i ngā mahi, me te hoki mahara ki te puakitanga mai o te moemoeā, kia hanga he ara wai, he wahapū mo te hapori whanui, hei wāhi kaukau, he wāhi hoe waka ama hoki.

E whakapono ana a Tunuiārangi McLean, ko te timatanga tēnei, he maha tonu ngā mahi kei mua i te hapori.