Kua timata te whataetae tēnehi Māori waru tekau mā iwa

Kei tōna tau waru tekau mā iwa te whakataetae tēnehi Māori ā motu i tēnei tau. 

Hei tā Tamati Reedy, “Te rua tekau mā ono o tērā rautau timata ai tēnei kaupapa. heoi ano ia tau, ia tau ka hui mai ki kōnei mō tēnei kaupapa whakamaharatanga.”

Kua tekau mā whitu tau a Will Flavell e haere mai ana ki tēnei whakataetae, kua mōhio marika ki ōna aupiki, auheke anō. Hei tāna, "Pai hoki kia kite i nga rangatahi ki te takaro i tenei whakataetae."

Ā, kua tīmata kē te rakuraku whakaaro me pēhea e whakanui atu ai i tōna huritau iwa tekau a tērā tau. Mā te aha i te tono ki ētahi o ngā tino toki o te ao.

Hei tā Tamati Reedy, "Kua rere te korero ki tawahi ki tetahi o ngā Williams sisters te tuakana te teina ranei ki te whakamana ki te haramai ki te taupoki i tēnei mai i a rātou ngā tino toa o te ao."

Me te manako nui kia taiea te tū, kia Māori tonu te tū hei ngā tau e tū mai nei.