Kua tūwheratia tētahi toa hōu e Te Kotahitanga o Te Arawa Waka

updated
Te Kotahitanga o Te Arawa

Nō te angitū o te toa tauhokohoko i whakatuwherahia e Te Kotahitanga o Te Arawa Waka ki te rāwhiti o Rotorua, kua tahuri tō rātou titiro ki tētahi toa tauhokohoko anō ki te uru o Rotorua hei whāngai i te kaimoana ki ngā uri huri noa i Rotorua.

Kua pūawai ngā mahi mo te ringa ōhanga o Te Kotahitanga o Te Arawa.

Tekau ma tahi ngā iwi, hapū kei raro o Te Kotahitanga o Te Arawa, koinei te poari whakahaere i ngā rawa ika o te iwi, tekau mā waru mano tāra te pūtea ka puta ia wiki.

Nā te ringa raupā o te wairua o Te Kotahitanga o Te Arawa e hiki ai ngā mahi, me te manako ia ka hiki anō ngā mahi nā runga i hokotanga o tō rātou taraka kia hikoi haere tō rātou kaupapa.

I tua atu i te tohatoha i ō rātou karahipi ki te iwi, he rourou ika ka riro ki ngā marae e here ana ki a rātou hei whāngai manuhiri i ngā tangihanga.  

Ia rā ka rere mai te kaimoana i Tauranga ki konei.