Kua waipuketia te rohe o Te Whanganui-ā-Tara

Rahia Timutimu

He kura, he ara tereina, he rori matua o te motu hoki e noho kapi ana, whai muri i ngā horowhenua me ngā waipuke ki te rohe o Te Whanganui-ā-Tara.  Ā, te āhua nei, ka kino kē atu, e ai ki ngā tohu huarere.

Kāre i paku neke ngā kaitaraiwa i runga i te rori matua o Te Whanganui a Tara, na te waipuke te take.

I te whitu karaka i tēnei ata i kaha ngā taraka ki te whakatika i ngā rori, nā ngā horowhenua, i hua ake nā te waipuke anō.

Ko te tikanga, e rua ngā huarahi ki Te Whanganui a Tara, mā runga i te rori o Paekakariki, heoi i te kati hoki taua rori.

Ki te raki o Te Whanganui a Tara he kino kē, ko te āhua o Pauatahanui, anō nei he roto.

I pērā hoki a Kāpiti, he waipuke te āhua, nā te hekenga o te tekau henemita o te ua mai te tekau mā rua karaka i tēnei ata.

Kāre i āhea ngā kaiako, tauira anō hoki ki te haere ki te kura, nā reira i whakakorengia te kura.

I whakakorengia hoki ngā tereina, me te kī ki ngā kainoho o te wāhi kia kaua e pātata ki ngā terenga wai.