Kua wehe atu te Kapa Ōpango ki te RWC

Nō te rangi nei whakaparirau atu ai ngā Ōpango ki Hapāna mō te kapu o te Ao ka tīmata ake hei te tekau rā.

E toru tekau mā tahi katoa ngā kaitākaro i whakarauika atu ki te Taunga Wakarangi o Tāmaki Makaurau, ā, hei te rua tekau mā tahi o Hepetema tū ai tā rātau tukinga tuatahi ki ngā Springboks.

Ki kaupapa kē atu, kua kōpoua te Ōpango o mua a Mark Robinson ki te tūranga tāhuhu rangapū o Whutupōro Aotearoa. Ko ia ka tū ki te tūranga o Steve Tew. Nō te Hune a Tew ka whakaputa kōrero mō tana tū iho i te tūranga nei.