Kua whai kainga te Reo Māori i ngā tākaro ataata

James Perry

E tere horapa ana ngā tākaro ataata i te Ao, ā ko Arepa Gamers Club tērā e whai take tērā āhuatanga ki te whakatairanga i Te Reo Māori.

Muia ana a Porirua i ngā kaitākaro ataata, horapa hoki ana i Te Reo Rangatira. He mea whakatū a Tākaro 2018 e Arepa Gamers Club me te Kaunihera o Porirua. E matapae ana a Richard Busby ka neke atu i te 300 tangata ka tau atu ki takunetanga whakaharahara nei.

Hei tā Mokena Tumaurirere, kaiwhakahaere ā-rohe o Arepa, koinei te takunetanga tuatahi pēnei, e āhei ana te tangata ki te tākaro kēmu ataata, ki te ako Reo Māori anō hoki. Hei tā Busby, inā ngā Reo o te Ao ka mate ia tau, nā reira mā te aha i te whakatipu anō i Te Reo Māori mā ngā āhuatanga o te wā, e whakaatu anō hoki i ngā paing ao te ahurea Māori.

E whakamanawa ana a Arepa i ngā kaitakaro ki te whakamahi i te Reo Paki, te Reo Māori o te Ao tākaro ataata. He tāonga ka tukuna ki ngā kaitākaro puta noa i te rā. 

Ko ētahi o ngā rerenga kupu ka rangona i Porirua e hāngai ana ki te tākaro ataata ko te "I wini ahau," hei tā tētahi atu, ka mea atu ia "ka pai" ki tētahi mēna kua pai tōna tākaro. Ki ētahi atu ko te "tākaro anō" te rerenga pārekareka. 

Ki ētahi atu, ka whakamahi i ngā momo kīwaha, whakatauki anō hoki, pēnei i te "kaua e mate wheke, okea ururoatia."

Ehara noa a Arepa Gamers Club i te wāhi tākaro noa iho. Hei tā Busby ko tētahi whāinga o te karapū kia poipoi, kia whakamanawa anō hoki i te hāpori kia whai tonu i ngā moemoea. 

Mā te whakamātauhia i ngā tākaro ataata, e ora ai te reo.