Kua whai whakautu a Davis mo ngā kura kaupapa hou

Kua roa tana haere i te ao mātauranga, ā he wero nui ta Kelvin Davis ki te kāwanatanga "Taku patai pehea te nui o te wahanga ka hoatu mo nga kura kaupapa mehemea he orite ki nga kura aurake, pehea te nui o nga rauemi mo nga kura kaupapa."

I whakaputa te Minita o te matauranga, a Hekia Parata te whakatau ka tohatoha te kāwangatanga ngā pūtea rua rau wha tekau ma wha miriona ki te hanga kura hou me te whakawhanake i ngā kura o naianei. Engari kaore ano kia puta ngā nama mo ngā kura kaupapa.

E ai ki a Davis " Mahara ake ana ahau pehea te ahua o te kura mehemea ka whai i nga whare, pera i nga whare takaro, nga whare puna wai, mohio ana tatou ka whai nga kura auraki i enei mea engari ko nga kura kaupapa Māori ka whaiwhai ka tohetohe ki te hangaia i nga kura kia kore e tatari mo nga tau e toru e rima ranei."

A he patai tā Kelvin mo te kounga o ngā kura hou mena kaore anō te putea tautoko kia kitea noa.

E ai ki a Davis " Tino uaua te mahi o te kura mahita ki nga kura auraki engari he nui ake nga raruraru ki nga kura kaupapa na te kore o nga rauemi, na te kore o te tautoko o te tahuhu o te matauranga."

Kaore ano te Minita Matauranga e ahei te korero ki a Te Kāea i tenei rangi, engari hei te Taite ka mohio te ara kei mua i ngā Kura Kaupapa hou nei.