Kua whakaīngoahia te kapa Rarauhe Hiriwa

Rahia Timutimu

Tokotoru ngā īngoa Māori nui kāore i whai wāhi atu ki te kapa Rarauhe Hiriwa, ā ko Catherine Latu, Joeline Henry rātou ko Liana Leota kāore i whakaīngoahia ki te kapa matua.

Heoi mate atu he tētē kura, ara mai ano he tētē kura, a ko Kayla Cullen rāua ko Phoenix Karaka ēra ka takaro i te whakataetae o te Ao mo te wā tuatahi. I reira a Te Kāea mo te whakaingoatanga i mua i tā rātou whakaritenga mō te ipu o te Ao.

He menemene te kite i te kanohi a Malia Paseka i te rā nei.

A, kāre he pātai, he aha i pēra ai. Ko ia te kaitākaro hou anake kei te tira Rarauwhe Hiriwa i whakaingoa i te rā nei, ia rātou e whakareri ana mo te Ipu o te Ao.

Nā tōna hou mai kāre i eke a Catherine Latu, kua heke kē ki te tira nama rua o Aotearoa

Ko Paseka tētahi o ngā kaitākaro tekau mā rua o te tira, ko ia hoki tētahi o ngā kaikuru e whā kei te taha o Jodi Brown rātou ko Bailey Mess, ko Maria Tutaia. Kāre i eke ngā uri Māori a Leana Leota raua ko Joeline Henry, kua tohua kētia te tauhou o te Ipu o te ao, a Kayla Cullen ki a rāua tūranga.

I āpurua te kāpene a Casey Kopua e te harikoa i tana hokinga mai ki te kapa i te wharanga o tana pona i tērā tau.

E toru tekau mā ono noa iho ngā rā e toe ana ki te tīmatanga o te Ipu o te Ao.