Kua whakaroa mō te kotahi wiki te hanganga o te karu whakatata whetu ki runga o Mauna Kea

E noho tārewa ana ngā mahi whakatū i tētahi pūrere karu whakatata, e toru tekau mita te nui, ki te tihi o Maunga Kea i Hawaii.

Kua kotahi wiki ngā iwi tangata whenua e tū whakahē ana i tēnei mahi ki runga i tō rātou maunga tapu. E ai ki te mema kāwana o Hawaii, ka whakatāngia ngā mahi, kia whai wā ki te kōrero i tēnei take.

Nō te tīmatanga o te porotēhi e waru rā ki muri, e toru tekau mā tahi ngā tāngata kua mauheretia. Tōna toru rau tāngata nei e porotēhi ana i runga i te maunga. He kotahi ira rua piriona tāra te nui o ngā utu whakatū i te pūrere nei.

E whakakanohi ana ngā toa Maoli mai i ngā moutere e waru o Hawai'i me ētahi atu iwi taketake ki te hāpai i te kaupapa nei.

I puta te karanga a te kāwana kia whakataha a TMT project i ā rātou mahi whakatū whare mō te kotahi wiki, heoi ka noho whakatonu ngā tangata whenua o Hawaii.

E tuku moni ana ngā iwi taketake o Amerika mō te haumarutanga o te maunga tapu o Kea me te āwhina hoki kia tuku te hunga pakeke i mauheretia.

Kā hāere tonu te porotēhi a hei te Rātu ka mōhio rātou mehemea ka whai hua tā rātou e wawata ai.