Kua whara taumaha tētahi tamaiti tekau tau te pakeke

Nō te ata tonu nei i werohia tētahi tauira he tekau noaiho ngā tau ki te tonga o Tāmaki Makaurau i te kura o Pacific Christian.

E ai ki tētahi o ngā kaihautū o te kura nei, i tū tētahi whawhai ki waenganui i ngā tauira o te reanga takawaenga, ā, e matapaetia ana ka werohia te tamaiti nei ki te kutikuti.

He wharanga kikino i pā ki a ia.  Hei tā te kaiwhakatewhatewha a Shawn Rutene, e hāere tonu ana ngā mātaitanga mō tēnei tūāhuatanga, ā, kāore ia mō te whāki atu mehemea i whakamahia kē tētahi momo taputapu hei wero i te tamaiti nei.