Kua whiwhi a Aotearoa i tana mētara kōura tuatahi ki te tauwhainga Va'a Rio Worlds

Rahia Timutimu

He kōura te hua ki a Aotearoa i te rangi whakamutunga o ngā tauwhainga Whakatere Waka Ama o te Ao ki Rio.  I taea i te wāhanga ki ngā wāhine pakeke takitahi, kia rua ngā metara o Aotearoa i taua whiringa toa.  Arā atu anō ngā mētara i toa ai i ngā kaihoe o Aotearoa i te rā nei. 

Kua roa e tāria ana tā tātou whakawhiwhinga tuatahitanga ki tētahi mētara kōura mō ngā whakataetae nei, e whakamānawatia ana a Ngāire King o te wāhanga takitahi mā ngā wāhine pākeke mōna i tēnei hōnore nui ō tātou.

Tērā anō hoki ētahi o ā tātou kaihoe takitahi i āhua autaia, me ērā hoki o ngā waka takiono mō ngā hoenga 500m.

Ko tā Tahiti i tūmanako ai ko te tāwiri i te kakī o te kaupapa nei, ā, i tutuki pai tērā, i tā rātou whakawhiwhinga ki tā rātou mētara kōura rua-ngahuru o te whakataetae.  Heoi anō, ka hurō tonu a Aotearoa ki ngā mētara i whakawhiwhia ai ki a rātou nā rā nō te nuinga o ngā wāhanga o tēnei whakataetae ērā mētara.

I te rā ka tō nō mātou i Pārihi nei, kāre e kore ka tō hoki i konei ngā whakangungu a ēnei kaihoe mō tētahi wā kia mataara anō ai rātou mō ngā whakataetae ā-motu ka tū anō ki Karāpiro hei te pūpūtanga o te tau hōu.