Kua wikitōria ngā Chiefs tā rātou tukinga tuatahi o te whakataetae Super Rugby 2016

Rahia Timutimu

He timatanga pai mā te kapa Chiefs i te tau tākaro rua mano tekau mā ono, he wikitōria tā rātou kai i te rauna tuatahi o te whakataetae Super Rugby, he rua tekau mā whitu ki te rua tekau mā tahi ngā tatau ki ngā Crusaders ki Otautahi.

Ahakoa i riro ngā kapa e rua i tētahi piro i te haurua tuatahi, ko Crusaders i tuku ki mua me ngā hāmene e rua ki te manuhiri kotahi.

Heoi, ko Chiefs tēra i whai te piro tuatahi o te haurua tuarua kia Seta Tamanivalu, heoi kaore he wā whakanui kia rātou, i te hokinga mai a Crusaders me tā David Havili piro mo te kapa nō Te Waipounamu.

Nā tētahi kiki hāmene i tuku ki mua a Crusaders mā te toru kaute, kia arahi mā ngā kaute e ono.

Heoi, nā te uri o Ngāti Tuwharetoa, nā Damien McKenzie i wāwāhi te rārangi ārai kia tuku tana kapa ki mua, nā tētahi piro kia Same Cane, te piro whakamutunga o te kapa, i whai wikitōria ai a Chiefs.