Mā ngā uri whai pānga ki te Poari o Tūhoe Waikaremoana e whiriwhiri i te ara whakamua mō rātau

Mā ngā uri whai pānga ki Te Poari Kai-tiaki Māori o Tūhoe Waikaremoana e whiriwhiri i te ara whakamua mō ō rātou whenua.

Koia te karanga a ngā kai-tiaki hōu o te poari, whai muri i te whakatau a Te Kooti Whenua Māori, kia heke te poari hei kai-tiaki i ngā taunaha whenua tekau ma toru i nga pāpāringa o Waikaremoana.    

Ko Kararaina Rangihau rāua ko Jennifer Moses ētahi o ngā kaitiaki i ngā whenua rāhui Māori tekau mā toru kei ngā takutai o Waikaremoana.

He whenua rāhui Māori i haumarutia e Te Poari Māori o Tūhoe Waikaremoana mō te whā tekau tau.

Nōnā tata nei, ka whakatau te kōti kia riro ai ngā whenua nei ki kaitiaki kē.

A, ahakoa he whakatau i werohia e Tūhoe Te Urutaumatua,

E noho ana ēnei whenua ki raro i Te Tarahiti Ahuwhenua o 'Te Roia o Te Whenua'.

Hei tērā tau, hei te marama o Poututerangi ka pou te wā ki ngā kaitiaki o te wā ki a Te Roia o Te Whenua, engari e matapaetia ana ka whakatau ko wai rā ngā kaitiaki tūturu a taua wā.