Mā te pūtea e whakatika i ngā whanonga kino a ngā tauira i te kura?

Hei tā tētahi kaiārahi akoranga Māori, ka whai hua ngā akonga Māori i ngā taunakitanga ako, engari e rere tonu ana te pātai, ka hāpai ake tēnei pūtea hou ki te kaupare i ngā whanonga kino a ngā tamariki?

Ko Hoana Pearson te kaiurungi o te Rōpu Tumuaki Māori. Ā, e whakapono ana ia, he maha ngā hiahia a ngā tauira Māori.

Ahakoa e hari ana a Pearson i te whakatau tahua pūtea a te Minita Mātauranga a Hekia Parata, ka rahi ake te tokomaha o ngā kaiako āwhina mā ngā tamariki 1250, hei tāna, he maha tonu ngā tautoko e hiahiatia ana.

I tērā tau tonu, i kite ake te Rōpū Tumuaki o Te Taitokerau, haurua o te hunga nā rātou tonu i uiui, horekau kē he taunakitanga e tika ana ki te whakatika i ngā whanonga tūkino. 

Otirā, e $15.3 miriona tāra te rahi o te pūtea ka tuku atu i roto i ngā tau e whā ki ngā akonga hia taunakitanga ana. Mutu rawa iho, e rima haora te roa mā ngā akonga nei.