Mā te Wiki Reo Hāmoa o Aotearoa e taunaki i ngā mahi whakarauora reo

Vaiaso o le Gagana Sāmoa. Koinei ko te wiki whakanui i te reo o Hāmoa, ā, ko te kaupapa tāhuhu, ko te raupī i te tauira Hāmoa, e pakari ai te tū hei te anamata. 

E ai ki te Minita mō ngā take tāngata iwi Pasifika, ki a Aupito William Sio, kei te tokoiiti haere te hunga kōrero Hāmoa, ka mutu, kāore i te kaha rangona ngā kōrero taketake ake o Hāmoa i ngā kāinga, i ngā hapori hoki huri i Aotearoa.

E whakapono ana tētahi māmā nō Hāmoa, mā ngā kaupapa pēnei i te wiki whakanui i te reo o Hāmoa e mārama ai āna tamariki ki te hiranga o tō rātau reo.