Māori Battalion veteran Charlie Petera mourned

Piripi Taylor

Ko te pō poroporoāki tēnei mō te whakamutunga o ngā hoia mōrehu o Kamupene A, o Te Rōpu Māori Rua Tekau Mā Waru, i eke ki te mura o te Pakanga Tuarua o te Ao, ko Charlie Petera nō Ngāti Kurī, e iwa tekau mā rua ōna tau ka ngaro nei.

He kaiwhakamāori i ngā karere muna a Hoia Petera i pakanga i te raki o Awherika me Itāria mai i te tau whā tekau mā tahi ki te whā tekau mā rima. Nō te Hereturikōka, rua mano tekau mā whā, ka tohua te ika-a-whiro o Te Whakakōhatutanga hei pou-whakaruruhau i Te Wānanga Amorangi o Kamupene A, te kura tārai kai-ārahi Māori i Te Taitokerau. He tūranga, hei tāna, i kaha ake ai ōna pokohiwi i te kaupapa e mau tonu ana i te wairua o te rua tekau mā waru.

He tino koia tenei te kaumatua mutunga mo Ngati Kuri he tino rawe hoki aana nei tona nei hinegnaro ona maharatanga ki nga ra omua.  Noreira pai tonu te haere o Ngati Kuri I te wa I a ia aa e mohio ana I tenei wa kei raro a Ngati Kuri I nga ringaringa tino me nga tino rangatira hei kawe tonu  ite iwi kia haere mua tonu.

Kei tōna marae o Wai Ora i Ngātaki te kai-keri kāpia whakamutunga nei e poroporoākitia ana. Hei āpōpō tōna uhunga, i mua i tōna whakaokiokinga atu ki te urupā o Perepetua.