Mass Mataatua haka to support Standing Rock Sioux

Neke atu i te toru rau tāngata mai i te rohe o Waiariki i whakakao atu ki Whakatāne i te rangi nei ki te tautoko i te kaupapa a te iwi Sioux e whakahē ana i te hangana kōhinu wai i Te Raki o Dakota i Amerika, mā te haka. Koinei tētahi o ngā haka maha kua hakaina hai hora i te kupu i runga i ngā whārangi papori mō te kaupapa matua e pā ana ki ngā iwi taketake o Amerika, me o rātou tikanga tiriti.

Inā ko te tawhititanga te wero, ko te tautoko i runga i te kotahitanga te mahi

Hei tā tētahi Kaitautoko a Manaakitanga Pryor, “ko te take i tautokohia te kaupapa tatemea kaare e rereke ngā tāngata whenua o reira ki a tatou te iwi Māori.”

He tauira tēnei o te tautoko whānui i ngā tikanga o ngā iwi taketake o Amerika e porotēhi tonu nei i  te mahi hangana ngongo kōhinu wai i Dakota e haere tika ana i waenga i ngā whenua nō rātou te mana whakahaere i raro i te tiriti.

E ai ki tētahi Kaiwhakahaere a Erana Leaf, “We incorporated our raupatu here within the Ngāti Awa rohe and we felt that our similarities and struggles pertaining to our whenua it was only befitting that we send our aroha over to them because we know the struggles.”

Mo te iwi o Sioux, tētahi o ngā iwi rima rau ono tekau mā whiti i Amerika, koinei anahe o rātou taonga e toi ana, me te hiahia kia haumaru tonutia aua whenua.. He āhuatanga e mōhio pai nei e te tini rau i tae mai ki haka i Whakatānei i te rangi nei.

“Ka pouri te ngakau ki te rongo i nga mahi o te kawana ki a ratou aa e pera ano o konei i nga ra o mua,” hei tā Pryor.

Koinei tētahi o ngā haka maha kua puta mai i roto i te wiki kua hori, e whai waewae ana i runga i ngā whāranga papori. I tēnei rangi, i tae mai ai ngā kaitautoko mai i ngā rohe e karapoti nei i a Whakatāne, he tauiwi hoki ētahi nō ngā whenua pēnei i Kānata meTiamana.

E ai ki tētahi Kaiwhakahaere a Keita Wharerewa, “Some have just recently moved here some have friends, whānaunga that are here, live in Opotiki, in the wider districts.”

Heoi kei te haere tonu ngā porotēhi i Dakota ki te raki. Ināianei kei te tatari ngā kaitautoko kia puta mai te whakatau atua o te iwi Sioux me o rātou whenua tiriti whai muri i te wikitoriatanga matawhawhati a Donald Trump hai Perehītini o Amerika.