McLean sets sights on general election

He kaiarataki a Rangi McLean ki Hāpai Te Hauora, he kaitono hoki mō te poari hapori o Manurewa Papakura. Inaianei, e aro ana tōnā titiro, kia tū mai anō ia a te kōwhiringa pōti ko te heke mai.

Hei tā McLean, "Kei te rite tonu tōkū wairua, kei te rite tonu ōku whakaaro, i runga i tērā o ngā whakatauhanga ā hinengaro, ā tinana, ā wairua i roto i ahau."

Hakoa kua puta ngā wawata nei a McLean, hei tā te heamana takirua o te rohe pōti o Tāmaki Makaurau mō te Pāti Māori a George Ngātai, kāhore anō ngā tono kia puare.

E ai ki a Ngati, “At this time, the National Council has our selection process. Once that's actually been given the stamp, then we start advertising, and then once we start advertising for candidates we will go through the selection process from there, and whoever the successful candidate is, we'll probably make the announcement within the next three months.”

I riro i a McLean te tūranga hei kaitono mō te Pāti Māori ki Tāmaki i te tau 2014, ā, nō muri kē mai ka hinga ia ki te mema o Reipa a Peeni Henare.

Hoino, hei tā McLean ehara ko ia anahe e whai whakaaro ana ki te tū mō te Paati Māori. Hei tāna, e hiahia hoki ana te kaiarataki mō te Minita Whanaketanga Māori a Shane Taurima ki te tū.

Hei tā McLean, “Ae i runga i ēnā āhuatanga, i whakaae ahau, ki tāna kōrero mai, ae pai, kei te pai noa iho ki ahau, pena ka tutuki i tana whakaaro kia rau atu i tōnā ingoa ki roto i te pōtae, hei tū mō Tāmaki Makaurau. I runga anō i te whakaaro hoki, ko ngā mema tonu o te torangapū pāti Māori kei a rātou te mana ko wai hei tū mō rātou?”

Kihai a Taurima i whakaae kia tuku kōrerō mai, ā, e kore hoki a Ngatai mō te whāki mai mena hoki kua inoi atu ētahi mema o te Pāti Māori ki a Taurima, kia tuku tono ia ki te tū.

Hei tā Ngati, “At this time, we haven't received a nomination for Shane. We've had lots of interest and until we call for nominations and until we close off those nominations we can't confirm anybody as yet.

Hei tā Ngātai ka puare ngā tono a ngā wiki e toru ko te heke mai.