Me whai wāhi atu ngā reo irirangi Māori i runga i a RNZ te whakatau a Willie Jackson

E ai ki te kaipāpāhō, ki a Willie Jackson, me whai wāhi atu ngā reo irirangi Māori ki te whakapāho i ā rātou hotaka māori i runga i Te Reo Irirangi o Aotearoa.

Hei tā Jackson, "E tika ana pea mā nga reo irirangi ki te whakapaaho atu nga kaupapa Māori i runga i te Irirangi National."

Ko te whakapuakitanga a te Reo Irirangi o Aotearoa ka whakarerekēhia tana hotaka Māori, ā, e ki a Carol Hirschfeld, kua mau tonu i a rātou te tapanga o Te Manu Korihi, engari ka whakawhānui ake te hora o ngā pūrongo Māori ki āna hōtaka.

Hei tā Jackson, "Kua rongo au ngā kōrero a Carol he pai ana, trust us, ahakoa he pai a Carol, he rereke ngā tikanga i reira, te culture, te whakapapa nē."

E ai ki a Jackson me te kaitorangpu o Reipa me Peeni Henare, me werowero te kāwanatanga i a rātou.

Hei tā Peeni, "Me atā whakaarohia i te mahi tono putea mo te hunga ra, ki te ngakaunui te minita me tēnei kawanatanga ki te reo Māori tena me poipoia e whakamahi ana e whakapakari ana i te reo."

Heoi tāria te wā mena ka whai hua ngā reo irirangi Māori i tēnei kaupapa.