Me whakature te whakaakoranga o te hītori Māori i roto i ngā kura o Aotearoa?

Me whakature te whakaakoranga o te hītori Māori i ngā kura o te motu, matua rā i ngā kura auraki.

Koia te whakatau a ētahi pūkenga mātauaranga i te uru o Tāmaki Makaurau, ao ake i tā te Minita Tuarua i ngā Take Mātauranga, i tā Tākuta Pita Sharples whakamānu i te tuhinga, Te Takanga o Wā, he rauemi whakapakari i ngā mahi whakaako i te hītori Māori i ngā kura o te motu.

Kua roa ngā kōrero mō Kāpene Kuki, mō Abel Tasman e tuku atu ana ki ngā kura o te motu.

Hei tā tēnei pūkenga ako Kura Kaupapa Māori, ka rata te akonga, ahakoa ko wai, ahakoa nō hea, he aha pū ngā kōrero rōreka o te tangata whenua i te putanga mai o Te Takanga o Te Wā   

Ā, e wawata ana a Wright, kia toka tū moana, ngā akoranga hitoria Māori mō ngā kura katoa o te motu, mō ngā reanga tau tahi tae atu ki te reanga tau tekau

Hei tā Wiremu Flavell, he kaiako, i waihanga ripoata mātauranga, kia whakature i te ako i ngā Tikanga-ā-Iwi Māori mō ngā kaiako o te motu i a ia e tū ana hei mema mō te Kaunihera Rangatahi Māori, he rawe te whakaaro ēngari arā tonu te wero kia whakamanatia ai Te Takanga o Te Wā ki ngā kura auraki tuatahi.