Mei kore ake tētahi rōpū mana koha i whai kāinga ai tētahi whānau

Kua tutuki te wawata o tētahi māmā me ana tamariki tokorima, kia whai kāinga rātou.

Kua iwa marama rātou e noho hōpuni ana ki tētahi whare, he kotahi noaiho nei tōna rūma.  Ā, nā te āwhina a te rōpū tiaki o Limitless Hope kua whiwhi rātou i ngā kī ki tō rātou whare hōu.

Nā te Citizen’s Advice Bureau te whānau i tohutohu kia whakapā atu ki a Limitless Hope, whai muri i tā rātou tono atu ki te ratonga āwhina.

He mea whakahaere a Limitless Hope e Kiri rāua ko Kev Swannel, nā rāua te tarahiti mana koha i tīmata mā roto mai i ā rāua whāngai i te hunga kāinga kore.

Ināianei, kei te whānui ake tā rāua toro ki te pani me te rawakore, i tō rāua whiwhinga ki tētahi whare, me te tūmanako ia, ka tū taua whare hei kāinga āhuru mō te hunga kāinga kore.