Mō te wā tuatahi ka whakanui a Aotearoa i te reo hainamana

Taroi Black

Mā te ako i te reo hainamana, e whai hua ōhanga ana tētahi kai-mahi rawa pūmau. Mō te wā tuatahi ka whakanui a Aotearoa i te reo hainamana hei whakatenatena i te iwi ki te kōrero i te reo, kia pai ake ai ngā mōhiotanga ki ngā tikanga, reo hoki i waenga i ngā whenua e rua.

Kāre anō ia kia mātatau ki tōna reo Māori, hēoi anō, e whakapono ana a Tui Hurrell Kaumoana kei reira anō ngā painga i te ako i tētahi reo nō Haina.

E ai ki a Iwarangi Hare, “Ahakoa i uaua i taua reo, pai tonu ki ahau na te mea i āhua orite te tangi o tena reo ki to tātou reo.

Ko Haina te hoa hokohoko nui rawa atu, ko rātou hoki te tuarua mō te tuku tūruhi mai ki Aotearoa. Nā te whakarewatanga o te wiki reo Haina o Aotearoa, ko te whakakotahi i ngā reo me ngā tikanga te tino aronga.

E ai ki Tatau o te tau 2013, neke atu i te kotahi rau whitu tekau mano ngā Hainamana e noho ana ki Aotearoa. Kei te kotahi rau rua tekau mano hoki ngā tāngata o Aotearoa e mātatau ana ki tētahi kōrero reo Haina.

Ko te hua ia, ko te whakarite mai a ngā uri whakatipu mō tētahi ao rerekē e kitea ai i te āhuatanga o Haina me Ahia.