Na ngā hapa ā pūtea a Te Rōpu Taurima kua tuku amu ētahi o āna kaimahi ki ngā pirihimana

He waru marama a Tony Tietie e tatari ana, kia kawea ōna nawe ki ngā pirihimana, hei ko tāna he nawe whai tikanga.

Kua mea ake ngā Pirihimana o Manukau Whānui ka arotakehia e rātou ngā kōrero kua tāpaetia, ā, ka tono anō kia tāpae kōrero mai ngā kainawe.  Ki te whai tikanga ia, ka whakatewhatewhangia te take, ka tukua rānei ki te Tari Hara Tāware. 

Ki Native Affairs ka hura ake a Tony Tietie nānā i tohu i ngā hapa ā-pūtea i roto i te Te Roopu Taurima o Manukau, he rōpū Māori e tautoko ana i te hunga hauā. Heoi i panaia kē a Tietie.

E ai ki a Tony Tietie, ehara ko ia anake i panaia, mōna i whakapuaki i ōna nawe. I tēnei rā ka haria atu ēnei nawe e Tony me ētahi atu ki te Manatū Hauora, me Te Tari Hara Tāware.

Hei tēnei Rāpare tukuna ai ngā kōrero tauākī a Tony Tietie me tētahi tokorua kē atu ki ngā pirihimana.