Na te ua tātā kua kaha waipuketia te tāone o Rotorua

Kotahi te wharanga kua pā mai whai muri i ngā waipuke ohorere i tau ki runga i a Rotorua i tēnei rā, he kore hiko, he whakarāhui huarahi te otinga atu. 

He huarahi kua huri hei awa, ā, nānā i tū ai ngā waka. 

Na MetService te kōrero whakatūpato mo te ua i tuku inanahi nei, engari ao ake i te ata i kite a Rotorua i ngā whiu.

I ohorere te taone i te ata nei, nā te kaha heke mai o te ua, kei te rere tonu ngā whakatūpatotanga ki runga i tēnei taone, heoi ano, e rima ngā huarahi matua i katia i te rangi nei. 

Mo tētahi o ngā kainoho ki te tiriti o Sunset he waipuke te āhua i ngā wā katoa, engari kaua pēnei te kino. 

Kua tae te ua ki Rotorua engari e mea ana ngā whakatūpato ki te rāwhiti o te rohe anō hoki.