Neke atu i te whā rau ngā kaitūao e whakariterite ana mō Te Matatini

updated

Kei te whakariterite ngā kaitūao o Te Matatini, neke atu i te whā rau ngā tāngata nō konei me Ahitereiria ka tuku i a rātou wā kia mau tēnei hui o Te Matatini ki Te Waipounamu ngā hirikapo o te motu. 

Ko rātou te kāpia e noho piri ai ngā mahi whakahaere o Te Matatini, te rōpū o ngā kaitūao e ngana ana kia tutuki ai ngā mahi.
 
E ai ki te kaiwhakahaere matua o ngā kaitūao, a Kimi Wetini, "Nō ngā hau e whā, kei te haere mai ētahi mai Ahaitereiria, rere atu ki Tāmaki Makaurau me Te Wairarapa, me Tauranga Moana."
 
He whā rau rima tekau ēnei kete, ko ngā mea o roto he tīhāte, he pōtae, he koti ārai huarere, me tēnei pukapuka e āta whakaatu ana i a rātou mahi mō te hui.
 
Hei tā Wetini, "Ko ngā tīma, ki nga keti , security, ko Whitireia tētahi wāhi mō ngā VIP's, ko Huirapa te tēneti mō ngā kaumātua, ngā volunteers marque, te wāhi mō ngā kaimahi, kei te wātea, mō te pā rongo te information centre, me ngā toa hoki."
 
Tāpiri atu ki ngā mahi whakangahau, me whai wā hoki ngā kapa haka o Waitaha ki te tautoko i ngā kaitūao hoki.
 
 
Ki tā Wetini, "Ia rā, ia rā o te whakataetae kei te mahi tekau o ngā kaihaka kei mua i te atāmira, mō ngā crowed control."
 
E mā ana te papa inaianei ēngari iti ake i te whā tekau mā waru haora, ka mangu katoa a Pūtaringamotu me ngā kaihaka, ngā kaitaunaki me ngā kaitautoko, ā, koira te wā me puta ngā ihu o ngā kaitūao.