Ngā hapori i Te Taitokerau e kimi huarahi ana mō te mate kore kāinga

Ko te aronga ā whānau e whakamahia ana e ngā kainoho o Whangarei hei whakatika ake i ngā raru whare i te rohe. Kua tae atu te Minita Āwhina i ngā Take Taiao, a Nanaia Mahuta ki tētahi hui i Whangarei ki te matapaki i tēnei take e ngau nei i te huhua o ngā kainoho o te rohe, mātua rā ngā uri Māori. 

Nō te paunga o Mahuru i tēnei tau, e 485 ngā tāngata i runga i te rēhita whare i Te Taitokerau anahe - he pikinga ake i te 30% i roto i te tau kotahi noa iho. 

E mārama ana a Minita Mahuta ki te āhua o te mahi tahi a te kāwanatanga me te hapori.

“Ko te hiahia o te hapori nei, me whakarongo te kāwangatanga ki ētehi o ngā whakaaro ki waenganui i ngā rōpū e kaha ana te tiaki ki te tautoko te hunga kore kainga,” te kī a Mahuta.

E whitu tekau ngā whānau e noho kore kāinga ana i Whangarei, ā ko te rongoā ka kitea pea i te whakatauki rongonui.

“Tama tū, tama ora! Tama noho, tama mate! To stand is to live, to lie down is to die. I believe that is true for any community, any whānau,” te kōrero a Ngahau Davis, kaitiaki o te rōpū He Iwi Kotahi Tātou.

E whakapono ana ia me hoki ki te āhua i noho ai tātou i mua. 

“We have lived in communal living, we went away from that, that's why we are in the place that we are now, the future is that we return to some of those morals and values, it's not gonna be easy because we have to adjust."

Hei tā Mahuta, ehara ko te whare anahe te whakautu. 

"Ko tētehi atu o ngā rongoā, mahi āwhina hei manaaki te hunga rangatahi."

Hei tā te Minita ko te whāinga ia, kia kotahi rau, e waru tekau anō ngā whare hōu e tū ana hei te tau rua mano, e rua tekau.