Nga rerekētanga o Working for families.

Tema Hemi

Kei te tāone nui o te motu ki Tāmaki, e mea ana tētahi kaitāhua putea ahakoa kua nui ake te putea ka purua ki ngā pūkoro o te whānau, ki te kore e whai i te mātauranga tika, ka moumou katoatia te putea. 

Ko te whakapae ka whai hua ngā tamariki o Te Kohanga Reo o Te Arapeta i ngā putea hou a te kāwanatanga.

Engari ko tā kaiako Shane Aramoana e kore e mātua i a ia ngā hiahia o ngā whānau maha o konei.

Ko tāna anō, "Me kī kei a te tangata te tikanga mo ana ake putea, hēoi anō ki te whakāro ake mo ngā rawa kore kaore e tino rata ki ngā hua kua puta i a rātou ā me whakārohia mo rātou hoki."

Ko tā Aramoana ka kaupēhia ngā whānau i raro i te tāke penehīni ā-rohe.

Ko tāna hoki, "Hēoi anō i te mutunga o te rā me aha tātou? inā kua tau kē tēnei ki runga i a tātou mai te kāwanatanga tē taea te whakatikahia me kī."

Ko tā te kōrero a Denise Smith mai i Papakura Budgeting Service, e whitu rau ngā apataki, ā, ko tāna ka haukerekerehia rātou e te tāke penehīni ā rohe. 

Ko tā Smith, "Kei te tiro atu tātou ki te pikinga o te utu penehīni ka whakararu ki ngā wāhi katoa puta noa i te ōhanga, i te mea ehara te take ko ngā mīhini penehīni anake engari ko te utu mo te kai, ngā waka hoki."

Ko tā Smith anō me mōhio ka tika ngā whānau i ngā kōrero tahua kia pai ai te whakatō i te putea ki wāhi tika. Ko tāna ko te hunga noho kotahi te mea e nonoke haere ana.

I whakakōpanihia e Smith me tēnei kōrero, "He iti noa iho te awhina ma rātou, ko te nuinga ka nonoke haere i te nui o te utu mo ngā whare, utu hoki mo te kai, ko rātou ngā mea e kite ai mātou."

Ko tā Smith e manako nei kia āta tiaki rā ngā rōpū ka taunakihia e te kāwanatanga i ngā whānau me te whai whakatau tika me ā rātou putea.